GeForce GTX 1050/1050Ti, ու ինչ է դա նշանակում մեզ համար

Երկու օր առաջ NVIDIA-ն հայտարարեց Pascal ընտանիքի նոր երկու վիդեոքարտերի թողարկման մասին՝ GTX1050 և GTX1050TI: Քարտերի լրիվ տեխնիկական նկարագրերը հասանելի են այստեղ, իսկ մենք փորձենք անցնել ամենակարևորների վրայով:

	GTX950	GTX960	GTX1050	GTX1050TI	GTX1060
CUDA Cores	768	1024	640	768	1152 (3 Gb) 1280 (6 Gb)
Clock	1024 MHz 1188 MHz (Boost)	1127 MHz 1178 MHz (Boost)	1354 MHz 1455 MHz (Boost)	1290 MHz 1392 MHz (Boost)	1506 MHz 1708 MHz (Boost)
Memory	2Gb	2Gb	2Gb	4Gb	3Gb 6Gb
Memory Speed	6.6 Gbps	7 Gbps	7 Gbps	7 Gbps	8 Gbps
Memory Interface	128-bit	128-bit	128-bit	128-bit	192-bit
Memory Bandwidth	105.6 Gb/s	112 Gb/s	112 Gb/s	112 Gb/s	192 Gb/s
Power Consumption	90W	120 W	75 W	75 W	120 W
Outputs	DL DVI-I HDMI 2.0 3x DP 1.2	DL DVI-I HDMI 2.0 3x DP 1.2	DL-DVI HDMI 2.0b 3x DP 1.4	DL-DVI HDMI 2.0b 3x DP 1.4	DL-DVI HDMI 2.0b 3x DP 1.4
Price at Release	$160	$ 199	$ 109	$ 139	$ 199 (3 Gb) $ 249 (6 Gb)

Մենք տեսնում ենք բավականին լավ միջին խաղային դասի վիդեոքարտեր, որոնք առավելություն ունեն նույնիսկ Maxwell ընտանիքի GTX960-ի նկատմամբ (նամանավանդ GTX1050Ti-ն իր 4Gb հիշողությամբ), բայց ավելի ցածր գին ունեն, քան նույնիսկ GTX950-ը թողարկման պահին: Քարտերի առավելություններից մեկը հոսանքի փոքր ծախսն է՝ քարտերը աշխատում են նույնիսկ 300W փոքր հզորության սնուցման սարքերի հետ ու լրացուցիչ միացում չեն պահանջում (PCI Express պորտերը թույլ են տալիս միայն 75W հզորություն ուղղակի մայրական սալիկից ստանալ՝ հենց սրանով էին պայմանավորված Radeon RX480-ի առաջացրած խնդիրները): Բնականաբար, եթե օգտվում եք VGA մուտքով հին մոնիտորից, այս քարտերին միանալու համար ձեզ պետք կլինի VGA->DVI ադապտեր: NVIDIA-ն պնդում է, որ Overwatch, GTA5, Gears of War 4 խաղերում GTX1050Ti վիդեոքարտը գրեթե 2 անգամ ավելի լավ արդյունք է տալիս, քան GTX750Ti-ը:

Ավելի մանրամասն քարտերը կկարողանամ գնահատել երբ ձեռքս ընկնեն, բայց, NVIDIA-ի տված ինֆորմացիայից դատելով, 1050/1050Ti քարտերը տալու են շատ լավ գին/որակ հարաբերակցություն, եթե դուք պատրաստ եք հրաժարվել վերջին սերնդի խաղերի Ultra կարգավորումներից, VR-ից ու մնացած հաճելի մանրուքներից:

NVIDIA GeForce 1050Ti տեսաքարտը հասանելի կլինի հոկտեմբերի 25-ին, իսկ GTX 1050-ը՝ «նոյեմբերի 8-ին կամ ավելի վաղ»: